अर्थपत्र

कोरोनाविरुद्ध एनसेलको अभियान

एजुकेशन टाइम्स संवाददाता
शिक्षापत्र संवाददाता
कार्तिक २४, २०७७

काठमाडौं– एनसेल आजियाटा लिमिटेडले कोरोना महामारीबाट बच्न जन–चेतना जगाउने विभिन्न अभियान सञ्चालनार्थ स्वास्थ्य तथा जनसंख्या मन्त्रालय र युनिसेफ नेपालसँग सहकार्य गरिरहेको छ ।

एनसेलद्वारा जारी विज्ञप्तिका अनुसार एनसेलले जनस्वास्थ्य सम्बन्धी सचेतना अभिवृद्धिमा सहयोग गर्ने प्रतिबद्धताका साथ स्वास्थ्य तथा जनसंख्या मन्त्रालय र राष्ट्रिय स्वास्थ्य शिक्षा, सूचना तथा सञ्चार केन्द्रसँग समझदारी पत्रमा हस्ताक्षर गरेको हो । साथै एनसेलले जनचेतनाका लागि युनिसेफ नेपालसँग पनि समझदारी पत्रमा हस्ताक्षर गरेको छ ।

यो अभियानअन्तर्गत एनसेलले विभिन्न सञ्चार माध्यमबाट कोरोना भाइरसबाट बच्ने मुख्य तीन उपाय सन्देशका रूपमा जनतामाझ पुर्याइरहेको छ । यसका लागि एनसेलले बहिरा कलाकार सुजल बमको साथ लिएको छ ।

विज्ञप्तिका अनुसार जनमानसमा पुर्याइएका मुख्य तीन सन्देश हुन्, व्यक्ति–व्यक्तिबीच कम्तीमा दुई मिटर दूरी कायम गर्ने, घरबाट बाहिर निस्किँदा अनिवार्य मास्क प्रयोग गर्ने र बेलाबेलामा साबुनपानीले मिचीमिची कम्तीमा २० सेकेन्डसम्म हात धुने । एनसेलले मास्क कसरी लगाउने तथा कस्तो किसिमको मास्क प्रयोग गर्नेलगायतका विभिन्न जान्नैपर्ने तथ्य समावेश गरी कोरोना भाइरसको संक्रमणबाट बच्न र बचाउन जनचेतना जगाइरहेको छ ।

एनसेलका प्रमुख कार्यकारी अधिकृत एन्डी चोङले तीव्र गतिमा फैलिरहेको कोरोना संक्रमण रोक्न, पत्ता लगाउन र यसविरुद्ध जनचेतना फैलाउन आफूहरू प्रतिबद्ध रहेको बताएका छन् ।

‘कोरोना जस्तो संकटको सामना गर्न विभिन्न सरोकारवालाहरूसँगको सहकार्य आवश्यक छ । सबै एकजुट भएर गरेको सहयोगले सरकारको कोरोना विरुद्धको अभियानमा ठूलो सहयोग पुग्छ,’ कार्यकारी अधिकृत चोङले भने, ‘कोरोना विरुद्ध एनसेलले गरेको योगदान निजी क्षेत्रले आफ्नो विशेषज्ञता, अनुभव, क्षमता तथा दक्षताका आधारमा कसरी सहयोग गर्न सक्छ भन्ने एउटा उदाहरण हो । नेपाली जनताको सेवा गर्ने हाम्रो प्रतिबद्धतामा कुनै सम्झौता हुँदैन ।’

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले कोरोना महामारी नियन्त्रण तथा रोकथामको जनचेतना फैलाउन एनसेलको भूमिकाको सराहना गर्दै भने, ‘कोरोना महामारी रोकथामका लागि सरकार, एनसेलजस्ता निजी क्षेत्र र युनिसेफजस्ता संस्था एकजुट भएका छन् । नयाँ समाधान र विशेषज्ञताका साथ डटेर लड्न यस्तो सहकार्य अपरिहार्य छ ।’

यसैगरी नेपालका लागि युनिसेफ प्रतिनिधि एल्के विस्चले युनिसेफले नेपाल सरकारसँगको सहकार्यमा महामारीसँग लड्न काम गरिरहेको र एनसेल जस्ता निजी संस्थासँगको सहकार्यले कोरोना विरुद्धको अभियानमा वास्तवमै ठूलो महत्त्व राख्ने विश्वास व्यक्त गरिन् । ‘संकटको समयमा मानिसलाई कोरोनाबाट बच्ने महत्त्वपूर्ण सन्देश प्रवाहमा गरिएको सहयोग निकै महत्त्वपूर्ण छ,’ उनले भनिन् ।

 

प्रकाशित : कार्तिक २४, २०७७

प्रतिक्रियाहरू
तपाईंका प्रतिक्रियाहरू प्रकाशन गर्नुअघि शिक्षापत्र टीमद्वारा अध्ययन गरी स्वीकृत वा अस्वीकृत गरिनेछ । प्रत्येक प्रतिक्रियामा आचरणको यी नियमहरूको पालन ​​गर्नुपर्नेछ।
पूरा नाम र प्रतिक्रिया देखा पर्नेछ।

थप अर्थपत्र

दराजको ‘सेल ११/११’ मा छुटैछुट र रमाइला खेल

११/११ मा ग्राहकले ‘दराजवन रुपैयाँ गेम’, ‘एड टु कार्ट एण्ड विन’, ‘मिसन ११/११’ र ‘डिएफजी लुडो प्रतियोगिता’ जस्ता रमाइला गेममा भाग लिएर आकर्षक पुरष्कार जित्ने मौका पनि पाउने छन् ।

विश्व बैंकद्वारा साढे ९ करोड ऋण स्वीकृत

नेपालसहित श्रीलंका र मालद्विभ्सका लागि विश्व बैंकका देशीय निर्देशक फारिस हडाड जर्भोसले यो परियोजना मार्फत सरकार र निजी क्षेत्रको सहकार्यमा विश्व बजारमा नेपालको कृषि उत्पादनको ब्राण्ड स्थापित गर्न सहयोग गर्ने उल्लेख गरेका छन् ।

चाडबाडमा सुलभ दरमा धेरै कुराकानी

एनसेलका अनुसार इन्डलेस कुराकानीप्लस अन्तर्गत प्रिपेड ग्राहकले ७ दिन, १५ दिनवा ३० दिनको समयावधि रहेको भ्वाइस प्याक आफ्नो आवश्यकता अनुसार चलाउन सक्छन् ।

२४ फाल्गुन २०७७, सोमबार

हामी जित्‍ने छौं...

Logo

लगइन

खाता लग इन वा दर्ता गरेर, म पुष्टि गर्दछु कि मैले नियम र सर्तहरूगोपनीयता नीति पढ्न र स्वीकार गरेको छु ।

वा ईमेल मार्फत
मैले मेरो पासवर्ड बिर्सें
One Network. One Account
Logo